Се продава „Бентли“, сочуван, кралицата го возела

Од:

Во салонот за автомобили „Брамли мотор кар“, близу Гилдфорд се продава зелен „Барнато Бентли Мулсан“. Одлично сочуван, со мината мала километража, а претходната сопственичка била – кралицата на Велика Британија, Елизабета Втора.

Фактот дека кралица го возела ова „Бентли“, значи и поголема цена. Слични автомобили што ги користела Елизабета Втора, се нудат и за над 80.000 фунти, а овој би можел да достигне и 200.000 фунти. Луксузниот автомобил е повлечен од возниот парк на кралицата во 2015 година, а од 2013. минал нешто повеќе од 4.000 километри, пишува „Дејли мејл“.

Директорот за маркетинг во салонот „Брамли“, Џек Морган-Џонс, изјави дека тие „имаат среќа што досега имале на продажба неколку кралски автомобили“. – Минатата година продадовме „Рејнџ ровер“, оној во којшто принцот Филип го возеше американскиот претседател Барак Обама за време на неговата посета на Велика Британија, вели тој.

Автомобилот кој се продава е долг 5,5 метри, што е за еден метар повеќе од стандардниот „Бентли“ од овој тип и никогаш немал регистарска табличка. „Бентлито“ на кралицата е единствено, но во основа не се разликува од другите слични нему, освен што било управувано од Нејзиното кралско височество.

Кралицата, наводно, поседува три „Ролс-ројс“, три „Дајмлер“ и две „Бентли“ автомобили како дел од сегашниот возен парк на Бакингемската палата, но има и други возила на нејзините други имоти.

Би можело да ве интересира

Кралицата по болничките „прелиминарни прегледи“, се врати во замокот Виндзор

Ана Ололовска

Кејт Мидлтон и принцот Вилијам планираат патување во САД

Ана Ололовска

На принцот Ендрју му е забрането да вечера со кралското семејство

Ана Ололовска

Кејт Мидлтон во златен фустан на премиерата на „Не е време за умирање“

Ана Ололовска

Бакингемската палата со коментар за мемоарите на принцот Хари

Ана Ололовска

ВИДЕО: Нова снимка открива како Кејт го тешела малиот принц Џорџ по горчливиот пораз на Вембли

Жарко Настоски