Познатиот пејач и кантавтор Боб Дилан го издаде својот нов албум со оригинални песни, прв по осум години. Ова ќе биде неговиот 39. студиски албум и ќе го носи насловот „Rough and Rowdy Ways”.
Последниот албум на Дилан – „Tempest”, беше издаден 2012 година.
На новата збирка ќе се најде и годинашната 17-минутна балада за убиството на Џон Ф. Кенеди – „Murder Most Foul“, како и насловната песна на самиот албум, посветена на американскиот блуз-музичар Џими Рид. Во една од песните – „I Contain Multitudes”, Дилан (79) говори и за смртта.
– Мислам на смртта на човештвото. За долгото и чудно патешествие на голиот мајмун, рече музичарот во едно интервју за „Њујорк тајмс”.
Боб Дилан ја доби и Нобеловата награда за литература во 2016 година.