Пронајдени фосили од желка со големина на автомобил

Од:

Во Јужна Америка уште се откриваат фосили од желки со големина на автомобил. Новите се пронајдени во пустината Татакоа во Колумбија и областа Урмако од Венецуела, пренесува Би-Би-Си.

Желка наречена stupendemys geographicus, како што се претпоставува, живеела во областа пред седум до 13 милиони години. Првите фосили од ваква желка се пронајдени 1970-тите години, но овие животни сè уште се мистерија за научниците.

Долги се четири метри, односно биле големи и тешки колку еден просечен автомобил и ги населувале мочуришните предели ширум Јужна Америка, пред да се создадат реките Амазон и Ориноко.

Денешните џиновски желки, за споредба, растат до 1,5 метри во должина.

Мажјаците имале издолжен преден дел од оклопот, во облик на рог, а длабоките лузни на фосилите укажуваат дека тие биле користени како одбрана против противниците. Желките живееле на дното на езерата и реките, заедно со џиновските крокодили, и се хранеле со помали животни, растенија, овошја и семиња.

Нивната големина била клучна во одбраната против другите грабливци. Во еден од пронајдените фосили има заглавен скршен заб од крокодил.

Би можело да ве интересира

Нова теорија: Земјата се создала во само пет милиони години

Ана Ололовска

Температурата на Антарктикот повторно урива рекорди

Драган Поповски

(ВИДЕО) НАСА: Вo сабота Земјата ќе биде изложена на сериозна закана од Вселената

Драган Поповски

Се намалува бројот на пингвини на Антарктикот

Ана Ололовска

ВИДЕО: Научниците пронајдоа “дух-честички” кои доаѓаат од внатрешноста на земјата

Драган Поповски

ВИДЕО: Летот на Боинг Старлајнер во Земјината Орбита

Ана Ололовска