Предмети од почетоците на хотелот „Риц” продадени за 1,7 милиони евра

Од:

Кристални чаши, порцелански сервиси, покривки и постелнина од почетоците на светски познатиот хотел „Риц” во Париз, беа продадени на аукција за вкупно 1,7 милиона евра.

Во аукциската куќа Арќуријал, во рамките на тридневното наддавање беа продадени околу 1.500 предмети. Во интернет-распродажбата учество зедоа над 500 купувачи од 25 земји. Аукцијата прво беше планирана за април, но беше одложена поради корона-пандемијата.

Меѓу продадените скапоцености е и сервис „Марта” од 12 чинии, порачан од Сезар Риц 1898 година, при отворањето на хотелот. За него денес платената сума е 6.800 евра, што е 45 пати повисока од првичната проценка.

Две од прочуени масички за сервирање, со тркалца – „Кристофл” се продадени за 18.200 и 13.000 евра. Натаму, кофа за шампањско се платени од новите сопственици со вкупно 11.700 евра – 58 пати повисоко од првичната проценка.

Пред две години, во април 2018 година, Арќуријал продаде една од историските мебел-гарнитури од истиов хотел, за 7,5 милиона евра. Таа сума тогаш седумкратно ја надмина првичната проценка.

Хотелот е отворен на 1 јуни 1898 и с уште е активен. Во 1950-тите и 60-тите тука се снимени неколку светски познати филмови.

Би можело да ве интересира

Марк Нопфлер ја продава својата колекција гитари

Дрес на Марадона на аукција – почетна цена 4.000.000 фунти

А1он

Фотографија од Мен Реј на аукција по почетна цена од рекордни пет милиони долари

А1он

Најголемиот црн дијамант продаден за 3,8 милиони евра

Ана Ололовска

Првата СМС порака е продадена за 107.000 евра

А1он

Научен запис на Алберт Ајнштајн продаден за над 11 милиони евра

Ана Ололовска