Босанскиот актер Зијах Соколовиќ, познат и за публиката ширум просторите на поранешна Југославија, е примен во болница во Бања Лука, изјавила денеска директорката на Детскиот театар во градот, Љиљана Лабовиќ.
Таа во изјава за агенцијата Срна додала дека тој е хоспитализиран поради срцеви тегоби, а поради тоа не можел да присуствува на премиерата на претстава што ја режирал во театарот.
70-годишниот актер, кој во ноември беше во болница поради инфекција со коронавирусот, во изјава за „Дневни аваз“ рекол дека се чувствува добро.
„Се надевам дека се ќе биде добро. Денеска бев примен, а претходно бев повеќепати во болница. Утре ќе имам интервенција. Лекарите се крај мене, не можам повеќе да зборувам,“ изјавил Соколовиќ во телефонски разговор со новинарите.