Поларните мечки ќе исчезнат до 2100 година

Од:

Поларните мечки ќе бидат истребени до крајот на овој, 21. век, ако не се направи нешто повеќе за борба против климатските промени, посочуваат новите научни истражувања.

Стручните лица тврдат дека некои групи веќе ги достигнале границите на опстанокот затоа што морскиот мраз на Арктикот се намалува. Испитувањата и досега покажаа дека опаѓањето на ледот, веројатно, ќе го намали бројот на поларни мечки, но новиот труд објавен во списанието „Нејчр клајмет чејнџ“ (Nature Climate Change) открива и кога тоа би можело да се случи.

Со моделирање на употребата на енергијата на поларните мечки, научниците ги пресметале границите на издржливост на овие животни. Според сценариото со високи емисии на штетни гасови и со ефектот „стаклена градина“, многу веројатно е дека сите групи поларни мечки, освен мал број од крајниот север, ќе исчезнат до 2100 година. Дури и ако се исполнети само основни услови за намалување на емисијата гасови, бројот на овој животински вид значително ќе се намали.

– Поларните мечки веќе се „на врвот“ на светот. Ако мразот исчезне, тие нема каде да одат, вели д-р Стивен Амструп, водечки научник во овие испитувања.

Тој објаснува дека прво, мечките ќе останат без младенчиња… Тие ќе се раѓаат, но женките нема да имаат доволно телесни масти за да произведат млеко. Месојадците се потпираат на морскиот мраз на Арктичкиот океан за да ловат фоки. Како што мразот се топи, животните се принудени да изодуваат сѐ подолги растојанија за да најдат храна и за себе и за своите млади…

Поларните мечки се наведени како загрозен вид од Меѓународната унија за зачувување на природата, а климатските промени се клучен фактор за нивно исчезнување.

Би можело да ве интересира

Студија: Климатските промени веќе го трансформираат Нов Зеланд

Ана Ололовска

Светски ден за заштита на животните

Ана Ололовска

Британска тинејџерка пет часа протестираше на Арктикот

Ана Ололовска

Коалиција за клима: Нема амбициозни климатски политики без учество на јавноста

Ана Ололовска

Рекорд: Откриен запис за најниската температура на северната хемисфера

Ана Ололовска

Површината на арктичкиот морски мраз по втор пат падна под 4 милиони квадратни километри

Ана Ололовска