Актерката Хелен Мекрори, која се здоби со меѓународна слава со улогата на Поли Греј во хит-серијата „Peaky Blinders“, починала денеска на 52-годишна возраст, соопшти нејзиниот сопруг Дејмијан Луис, кој исто така е актер.
„Со тешко срце објавувам дека по херојската битка со ракот, убавата и моќна жена Хелен Мекрори почина мирно дома, опкружена со бран од љубов од семејството и пријателите,“ напиша тој на Твитер.
Нејзината дијагноза на карцином претходно не беше позната во јавноста.
Освен по улогата на прекалената криминалка и роднина на „Жилетите“ од Бирмингем во „Peaky Blinders“, Мекрори беше позната и по улогите во сериите „Penny Dreadful“ и „Ана Каренина“, меѓу другите филмски, телевизиски и театарски остварувања.