По распадот на „Дафт панк“ – рекордни продажби

Од:

Откако француското електронско дуо „Дафт панк“ објавија повлекување, тиражите и продажбата на нивната музика на интернет достигнаа рекордно ниво.

Според компанијата „Алфа дата“, бројот на прегледи на видеата на дуото од Париз е зголемен за 500 отсто во споредба со минатата недела – музичарите го објавија распадот на групата на 21 февруари. Продажбата на нивните песни пак, се зголемила, во просек – за 1.335 отсто, а продажбата на албумите – за 2.650 отсто.

Најпопуларен е вториот студиски албум на „Дафт панк“ – „Discovery”. Тој вклучува песни како „One More Time“, „Digital Love“ и други. Како што пренесува „Ролинг стоун“, неговата продажба се зголемила за 8.000 насто.

Најпопуларни нивни песни, според „Алфа дата“, се: „Get Lucky“, „One More Time“ и „Harder Better Faster Stronger“.

Дуото „Дафт панк“ постоеше 28 години. Том Бангалтер и Гај-Мануел де Хомем-Кристо објавија крај на нивната соработка објавувајќи проштално видео на Јутјуб. Во него, тие минуваат низ пустина и – „експлодираат“ во воздухот. Потоа, на екранот се појавува натпис: 1993-2021 година. За овие неколку денови, видеото има над 20 милиони прегледи и 1,2 милиони допаѓања и други реакции. Во коментарите, вознемирени обожаватели го споредуваа заминувањето на „Дафт панк“ од сцената со трајна разделба со најдобриот пријател.

Би можело да ве интересира

Изведба на проектот „Реобмислување – филм, музика и поезија” во Крива Паланка

(ВИДЕО) Лепа Брена е кралица на паѓањето: Прегрна колешка па двете се најдоа на земја

Катерина Ѓуровски

Почина гитаристот на АBBА, Ласе Веландер

А1он

Беше југословенската Мерлин Монро, сега не би ја препознале

Ана Ололовска

ВИДЕО: Овации за Синди Лопер низ Австралија, на 70 години се уште не ја издава гласот

Предраг Петровиќ

Бендот „Металика“ купи фабрика за производство на винилни плочи

Горан Наумовски