Пластичен хирург ѝ ги зголемил градите на Шерон Стоун без нејзина согласност

Од:

Пластичен хирург ѝ ги зголемил градите на Шерон Стоун без нејзино знаење и согласност, објави познатата актерка во новата автобиографска книга. Кога таа се разбудила по операција за отстранување на бениген тумор од градите во 2001 година, како што пишува, нејзините гради биле зголемени затоа што докторот „одлучил дека таа ќе изгледа подобро со поголемо торзо“.

Шерон Стоун, која е во седмото десетлетие од животот, натаму додава и дека, таа големина била „посоодветна на нејзините бутини“ – според докторот.

„Тој го смени моето тело без мое знаење и без моја согласност!“, пишува таа.

Овој случај е само една од повознемирувачките приказни во нејзината книга „Убавината на животот двапати“. Актерката натаму раскажува и како таа и нејзината сестра Кели, како деца биле сексуално злоставувани од нивниот дедо Кларенс Лосон, со кого двете девојчиња биле затворени некое време. Лосон починал кога Стоун имала 14 години.

„Ме обзеде чудно задоволство од тоа дека тој конечно умре. Ми падна камен од срце. Ја погледнав Кели и таа разбра – таа имаше 11 години и така тоа заврши”, се потсеќа Шерон.

Глумицата исто така, тврди дека била измамена за да ја соблече долната облека за познатата сцена со испрашувањето, во трилерот „Основен инстинкт“. Таа пишува дека ѝ рекле дека „белата долна облека одбива светлина“ и ја увериле дека нејзината вагина нема да ѝ се гледа. Последната верзија на филмот го покажува спротивното… „Не сама со режисерот, како што може да се претпостави, туку во просторија полна агенти и адвокати, од кои повеќето немаат никаква врска со проектот”, раскажува таа натаму.

„Да, имаше многу погледи за ова прашање, но бидејќи јас сум таа со вагината, дозволете ми да кажам – другите гледишта се целосна глупост. Јас и моето тело сме таму”, вели глумицата.

Во своите мемоари, Стоун опишува и други случаи на злоупотреба од страна на мажите во Холивуд, но застанува во одбрана на режисерот Вуди Ален, со кого работела трипати. Него го опишува како „суперпрофесионалец“ со кого било „исклучително доживување“ да се работи.

„Никогаш не сум имала непријатна случка со Вуди Ален“, вели Стоун.

„Тој се однесуваше кон мене многу професионално. Многу ме охрабруваше… Бев млада – имав 19 години кога почнав да работам со него”, нагласува таа.

Би можело да ве интересира

Рајан Рејнолдс уште еднаш за важноста на грижата за личното психичко здравје

Ана Ололовска

Анистон откри дека била „крадливката“ меѓу „Пријателите“

Ана Ололовска

Криси Тајген уште еднаш ѝ се извини на Кортни Стоден

Ана Ололовска

Бред Пит доби еднакви права со Анџелина Џоли за старателство над децата

Ана Ололовска

Стивен Сегал член на партијата „Праведна Русија – за вистината“

Ана Ололовска

Сeлма Хајек едвај се спаси од Ковид-19

Ана Ололовска