Веста дека Меган и Хари очекуваат бебе е главна тема во медиумите оваа недела. Со оглед на тоа што очите се вперени кон нив, дел од медиумите забележаа необичен детаљ кај Хари.
На десната рака тој носи црн прстен, кој што на него е забележан прв пат и изгледа дека е направен од титаниум.
По венчавката со Меган, Хари го носеше само едноставниот златен прстен, а новиот црн прстен предизвика мистерија во медиумите.
Сепак, магазинот „Пипл“ пишува дека станува збор за прстено „Оура“, кој претставува „смарт-прстен“. Тој го бележи сонот и дневната активност на корисникот и се поврзува со паметен телефон.
Прстенот се продава во две различни бои, а Хари ја избрал црната по цена од 299 американски долари.