Нова серија со подобри првични оценки од Game of Thrones и Breaking Bad

Од:

Новата серија на HBO, Chernobyl веќе ја прогласуваат за една од најдобрите серии за годинава, а по само три епизоди (од вкупно пет), на IMDB веќе има подобри оценки и од светски популарните Game of Thrones и Breaking Bad.

Оцената изнесува 9,6 од 10, а серијата ги одушевува и критиката и публиката. Приказната е околу тоа како дошло до хаваријата во нуклеарната централа Чернобил во поранешна Советска Украина, ноќта на 25 кон 26 април 1986 година, како и последиците, но и заташкувањата што се случиле потоа.

„Chernobyl е ремек-дело. Ако не сте почнале да го гледате, морате, верувајте ми”, „Chernobyl е една од најстрашните серии кога било снимени, а сè тоа навистина се случило“ – се само дел од коментарите.

Чернобилската катастрофа е една од најголемите за кои е заслужен човекот. Погодени беа повеќе од 3,5 милиони луѓе, а 50.000 квадратни километри земја биле контаминирани.

Фактот што приказната е вистинита, се чини, е одговорен за високата гледаност и пофалбите.

Би можело да ве интересира

Почина глумецот Питер Фонда

Агенција за филм: На македонскиот филм конечно му се „заканува“ и „Оскар“

Ќерката на Брус Ли се скара со Тарантино

ВИДЕО: „Пријатели“ слават 25-годишнина од пилот-епизодата

Започнува снимањето на новиот домашен филм „Те dua, Жими мене”

А1он

Почина српскиот сценарист Гордан Михиќ