Брод, кој влече нов систем за собирање пластика, го напушти пристаништето во Сан Франциско и се упати кон „островот“ од ѓубре што го таложат струите во Тихиот Океан.
Собирачот е со должина од 600 метри и ќе служи како ограда во која треба да се собере и затвори пластиката која слободно плови по површината на водата.
Овој систем за собирање на пластика е дело на 24-годишниот Бојан Слат од Холандија, кој изјави дека со нетрпение ги очекува резултатите.