Ненси Синатра повика да бидат стрелани членовите на НРА

Од:

Ненси Синатра, ќерка на легендарниот пејач Френк Синатра, предизвика бура од реакции со нејзиниот коментар дека членовите на Американската асоцијација за оружје (НРА) треба да бидат стрелани.

Реакцијата на Ненси Синатра дојде по масакрот во Лас Вегас, каде 59 лица беа убиени, а над 500 беа ранети од страна на напаѓач вооружен со автоматско оружје.

Синатра пораката ја објави на социјалната мрежа Твитер, по што веднаш се соочи со остри реакции и ја избриша пораката.

НРА е водечка организација на сопствениците на оружје во САД, која политички дејствува за да го поддржи правото на граѓаните да купуваат пушки и пиштоли, во согласност со Вториот амандман на Уставот на САД. По секој масовен вооружен напад, НРА се соочува со бура од критики и обвинувања дека го блокира усвојувањето на нови закони со кои би се ограничил пристапот до оружје.

Ненси Синатра ја избриша пораката, за подоцна да појасни дека сакала да каже дека само убијците кои се членови на НРА би требало да бидат стрелани. Синатра воедно напиша дека секој политичар кој прима пари од НРА има крв на рацете.

НРА има над четири милиони членови, и иако донира релативно малку пари во американските предизборни кампањи, бројноста на нејзиното членство е влијателен фактор и може да биде пресудна за резултатот на трките во голем број изборни единици на Конгресот. НРА го поддржа претседателот Доналд Трамп на последните избори и тврдеше дека евентуална победа на Хилари Клинтон може да доведе до обиди за конфискување на оружјето.

Би можело да ве интересира

Фотографии од најскапиот хотелски апартман во светот

Полицијата во Лас Вегас истражува обвиненија за силување против Роналдо

Кристијан Ландов

Во Лас Вегас се отвора музеј на марихуаната

Ана Ололовска

Лас Вегас: 45 луѓе се уште хоспитализирани по нападот на 1. октомври, дел од нив во критична состојба

Наум Локоски

Градоначалничката на Лас Вегас за напаѓачот: Нека изгние

Ана Ололовска

Партнерката на напаѓачот во Лас Вегас: Не ни насетував што ќе се случи

Ана Ололовска