НАСА: „Луси“ има проблеми

Од:

Американската вселенска агенција НАСА лансираше ново летало викендов. Роботското вселенско летало наречено „Луси“ беше испратено во вселената за да ги истражи астероидите околу Јупитер, но беа откриени проблеми со еден од двата главни сончеви панели, кои се клучни за собирање сончева светлина и генерирање енергија за 12-годишното патување низ Сончевиот Систем.

„Луси“ полета во саботата, 16 октомври, а до астероидите треба да стигнат до 2027 година. Но, еден од панелите не се расклопи целосно. Што значи ова за иднината на мисијата сѐ уште не е познато, но НАСА соопшти дека тимот работи на анализа на проблемот и одлучување за следните чекори. Во меѓувреме, двата соларни панели генерираат енергија и ја полнат батеријата, така што проблемот се чини дека нема негативно влијание, засега.

„Сите други системи функционираат нормално. На сегашната височина, вселенското летало ’Луси‘ може да продолжи да работи без опасност по безбедноста”, се вели во пораката на НАСА.

Сепак, неправилно расклопен сончев панел може да направи проблем кога „Луси“ ќе биде подалеку во Сончевиот Систем. Леталото трипати ќе орбитира околу Земјата за да ја искористи нејзината гравитација. Треба да посети седум астероиди, како и еден во главниот појас. Леталото има долг пат, и собирањето сончева енергија е клучно.

Би можело да ве интересира

НАСА лансираше пробен систем за менување на насоката на астероиди

Ана Ололовска

НАСА: Нема закана од судир со астероид следните 100 години

Ана Ололовска

Капсулата Спејсекс го транспортираше новиот екипаж до Меѓународната вселенска станица

НАСА ја тестира одбраната на Земјата од можно опасни астероиди

Ана Ололовска

Астероид кој се движи кон Земјата може да ги направи сите милијардери

Предраг Петровиќ

НАСА предупредува: Земјата апсорбира „невидена“ количина топлина

Ана Ололовска