Најпогодниот миг за продажба на возилото

Од:

Ако забележите чести мали оштетувања на релативно нов автомобил, ‘рѓа на лимот или деловите од моторот, или пак зголемена потрошувачка на гориво, тогаш е време да го продадете вашето возило. Ова е советот на Максим Рјазанов, технички директор на една руска мрежа за продажба на автомобили.

Тој за ТАСС ги споредува автомобилите произведени во Кореја, Русија и Кина со возила од САД, Јапонија и Европа. Неговите лично омилени се јапонските автомобилски брендови.

– Понекогаш е посоодветно да го продадете вашиот тригодишен семеен автомобил и да купите друг, половен, стар до 5-7 години. Значи, ако треба да потрошите повеќе од 13 – 14.000 рубљи (10.000 македонски денари), за поправка на автомобил на секои 10.000 километри, поисплатливо е да се купи половен автомобил, кој е постар, но посигурен, вели стручњакот.

Според Рјазанов, во првата година на употреба, масовно произведените автомобили од класата Б и Ц поевтинуваат во просек за 10 отсто, а по три години – за 40 отсто. Ситуацијата со премиум-брендовите е поинаква – тие губат 30 отсто од цената веднаш по купувањето, а по три години – веќе половина од првичната цена.

– Во истовреме, се појавува и нијансата – по пет години работа, таков автомобил со километража не повеќе од 110.000 километри престанува да паѓа во цената и може да се продаде за 95 отсто од (последната) куповна цена, објаснува трговецот.

Би можело да ве интересира

„Тојота“ со нови сончеви батерии за своите автомобили

Ана Ололовска

Во Данска запленет „Ламборџини“ од 270.000 евра, поради брзо возење

Ана Ололовска

Турција: Тестирањето на ТОГГ е според планот

Ана Ололовска

Пад во регистрациите на нови возила во Велика Британија

Ана Ололовска

Македонец со идеја за ново, електрично „Југо“

Ана Ололовска

Луксембург има најмногу автомобили по жител во Европската Унија

А1он