„Мајкрософт“ и Бе-Ем-Ве го проширија своето партнерство за да овозможат користење на Скајп во автомобилите со АјДрајв систем на германската компанија.
Бе-Ем-Ве е еден од првите производители на автомобили кој овозможи користење на Офис 365 во своите возила, а најновата опција треба на бизнисмените да им овозможи да одржуваат Скајп состаноци преку новиот систем.
Системот ќе работи така што ќе активира нотификации за состаноци и на возачите ќе им овозможи да воспостават комуникација без потреба за рачно внесување на конференциски број. Бе-Ем-Ве ќе овозможи и подобра интеграција на календарот, контактите и листата на обврски.
Компанијата планира да овозможи Скајп за Бизнис опција во Франција, Германија и Велика Британија, а подоцна и во другите земји.
Бе-Ем-Ве претходно најави дека планира во своите автомобили да користи дигитален асистент на „Мајкрософт“ под името „Коратана“.