Мадона троши 120 илјади долари месечно за да се изолира во вила на Беверли Хилс

Од:

Славната поп-ѕвезда, Мадона, троши 120 илјади долари месечно за да биде во изолација во луксузната вила во Беверли Хилс за време на пандемијата од коронавирусот.

62-годишната кралица на попот поседува три огромни недвижнини, две во Њујорк и една во Португалија, а сега изнајмува вила во Лос Анџелес за да се изолира од вирусот.

Вилата е првобитно изградена во 1940 година за актерот Берт Лар, кој се прослави во филмот „Волшебникот од Оз“. Од тогаш во неа живееле многу познати личности, како Пол Мекартни, Мараја Кери и семејството Озборн.

На почетокот на 90-тите, имотот од скоро еден и пол хектар бил во сопственост на актерите Мелани Грифит и Дон Џонсон, кои тогаш беа во брак, а вилата неодамна е ставена на продажба за скоро 20 милиони долари.

Скриена е позади висока жива ограда и импозантни железни капии. Куќата од 1.400 метри квадратни има седум спални соби и седум купатила. Во дворот се наоѓа гостинска куќа со уште две спални соби и две купатила.

Внатре се наоѓаат и простории за забава па Мадона полесно ја поминува изолацијата.

Во вилата се наоѓа и куглана, соба за игри, домашно кино и екстравагантен бар. Во дворот има огромна градина, кујна на отворено, тениски терен, базен и спа.

Би можело да ве интересира

Селена Гомез ја покажа лузната од операцијата што ѝ го спаси животот

Ана Ололовска

Џејсон Присли прозборе за Шенен Доерти и нејзината битка со ракот

Ана Ололовска

Листа од 26 песни кои Двејн Џонсон – „Карпата“ ги слуша додека тренира

Ана Ололовска

Куќата на Елвис Присли се продава за 30 милиони долари

Ана Ололовска

Емилија Кларк и Метју Смит сликани заедно

Ана Ололовска

Мадона ќе режира автобиографски филм

Ана Ололовска