Куратица подготвена за василичарскиот карневал под маски

Од:

Луцидните курајчани и оваа година празникот Василица ќе го одбележат со 15-то издание на возобновениот карневал под маски.

Официјалниот дел на карневалот започнува денеска со посетата на традиционалните маски – зетот, невестата, ѓаволот и бајачот на сите домаќинства низ селото, сето проследено со музика и забава што ќе трае до раните утрински часови.

Главниот дел од карневалот ќе се одржи утревечер со почеток од 18 часот, со големото дефиле на василичарите под маски. Како и минатогодишните изданија, на карневалските маски ќе бидат поделени на детски и маски на возрасните, а за најдобрите се предвидени и вредни награди. По прогласувањето на најдобрите маски ќе следува и огномет, а посетителите и гостите ќе може да се послужат со бесплатна топла ракија и вино. Прославата на празникот Василица ќе продолжи со богата забавна програма за која оваа година ќе се погрижат Татјана Лазаревска и групата „Маестрал“.

Месната заедница на селото Куратица во соработка со Здружението „Свети Василиј“ се организатори и покровители на овој традиционален настан, додека целосната финансиска поддршка е обезбедена главно преку донации, на почитувачи и љубители на оригиналната традиција.

Активистите на Здружението „Свети Василиј“ од Куратица веќе имаат остварено контакти со слични здруженија од неколку места во Швајцарија и Германија, каде се одржуваат слични манифестации под маски, со цел соработка и размена на искуства.

Селото Куратица активно учествува во охридската туристичка понуда, во делот алтернативен селски туризам, со сопствена веб-страница на која се информира за природните убавини на местото, како и за активностите поврзани со традиоционалиот маскенбал.

За карневалот во Куратица жителите на селото тврдат дека е стар колку и самото село, а според непотврдени податоци тој обичај датира од 1575 година.

Би можело да ве интересира

IQOS караванот ќе ја посети Струмица за време на Струмичкиот карневал

Карневалот во Рио повторно откажан поради пандемијата

Ана Ололовска

Карневалот во Рио де Жанеиро во 2022 година ќе трае 40 дена

Ана Ололовска

Откажан Карневалот во Рио

Карневалот во Рио се одложува за идното лето поради пандемијата

Жарко Настоски

Бразилските училишта за самба ќе го откажат учеството на карневалот во Рио ако нема вакцина за Ковид-19

Жарко Настоски