Куќата во калифорнискиот град Лос Алтос во која израснал Стив Џобс и во чија гаража го направил првиот компјутер, ќе биде претворена во музеј посветен на легендарниот основач на компанијата „Епл“.
Куќата со скромен изглед веќе неколку години е „свето“ место на љубителите на производите на компанијата со заштитен знак и лого во облик на јаболко.
Во таа куќа, поточно во нејзината гаража, пред 37 години настана „Епл 1“, еден од првите персонални компјутери во историјата на информатиката.
Џобс, кој тогаш имал 21 година, во неа работел со часови, заедно со Стив Вознијак, на склопување на првите 50 компјутери кои компанијата „Епл“ ќе ги лансира на пазарот.