Концерт на Даниела Мартиновиќ во рамки на „Делчевско лето 2019“

Од:

Популарната хрватска пејачка Данијела Мартиновиќ е изведувачот кој ќе настапи на главната вечер на годинешното „Делчевско лето 2019“.

На прес-конференцијата делчевскиот градоначалник Горан Трајковски ги соопшти имињата и на останатите музичари кои ќе настапат пред концертот на хрватската ѕвезда на 9 август на летната сцена во градскиот парк во Делчево.

– Општина Делчево во соработка со бизнис-секторот годинава организира спектакуларни концерти во рамките на „Делчевско лето 2019“. Ѕвезда на вечерта е хрватската пејачка Данијела Мартиновиќ чии хитови ги сакаат и млади и повозрасни генерации. Концертите ќе се одржуваат на 9 август кога, освен Мартиновиќ, ќе настапат девојките од „Дикато-бенд“, рок групата „Троја бенд“ и делчевците „The Jokers“, истакна Трајковски.

Традиционално, културните збиднувања започнуваат ноќта спроти верскиот празник Св. Пантелејмон, на 8 август, кога на летната сцена на Голак во партнерство со НУЦК „Никола Јонков Вапцаров“, ќе се одржат меѓународните „Голачки фолклорни средби“.

Целта за организацијата на овие концерти како што додаде Трајковски е да се даде нов имиџ на градот, кој ќе раскаже нова приказна за Делчево.

– Како дел од она што минатото лето го договаравме со бизнис-секторот, во рамки на бизнис-форумот „Да ја поддржиме приказната за Делчево“, ги реализираме активностите од областа култура и културни настани, бидејќи тие ја даваат душата на градот. Целта и на Општина Делчево и на претставниците од бизнис- секторот е да им овозможиме на нашите граѓани и на граѓаните од регионот, незаборавна вечер и забава и заедно да испишиме нова традиција, истакна Трајковски.

Очекувањата на Трајковски се дека Делчево на 8 и 9 август ќе биде домаќин на илјадници гости од регионот.

– Мојот апел до сите делчевци е сите заедно да се потрудиме да бидеме добри домаќини и да испишеме нови спомени од градот под Голак, додаде Трајковски на денешната прес-конференција.

Општина Делчево по втор пат организира концерт од поголеми размери. Минатата година концертот на Игор Џамбазов и бендот на Гуру Харе, како и настапот на групата „Шекспир“, го проследија илјадници гости од регионот.

Би можело да ве интересира

Делчевскиот градоначалник Трајковски од свои пари им купи заштитна опрема на градските пожарникари

А1он

Во Делчево и Берово одзивот до 13:00 часот е над 21 процент

А1он

Компанијата Млечна Индустрија ги отфрла обвинувањата за наводно труење на риби во река Брегалница во Делчево

Ана Ололовска

Симулација на пожар во услови на Ковид-19 во Делчево

Ана Ололовска

Падната карпа тешка неколку тони оштети куќа во Делчево

А1он

Печурка тешка над еден килограм пронајдена во Делчевско

Ана Ололовска