Клинт Иствуд објави крај на својата 62-годишна филмска кариера

Од:

Клинт Иствуд на својот интернет-простор објави дека се простува со својата богата филмска кариера која трае повеќе од 60 години. Глумецот има 92 години.

Легендарниот актер на Твитер напиша: „Мислам дека она – грациозно да се остари, е многу важен талент. За мене е предоцна“.

Покрај глума, тој се занимаваше и со режија и дури пет пати ја освои наградата на Американската филмска академија, Оскар.

Клинт Иствуд е на големото платно од 1959 година, но почетокот на неговата кариера не бил толку блескав. Поради договорот со „Јуниверзал“, според кој имал ниски примања, тогаш младиот глумец морал да се занимава и со други работи… Па, бил пожарникар, продавач и спасител на плажа.

Почнал да глуми во каубојски филмови, бидејќи на продуцентите им изгледал како каубоец. Така, се памети славната трилогија „Грст долари“ од 1960-тите, но и неговата улога како детективот „Валканиот Хари“ потоа.

За време на неговата кариера, тој честопати се обидуваше да се занимава со политика и го поддржуваше Доналд Трамп во неговата трка за Белата куќа. Во 1986 година, тој се кандидираше за градоначалник на малиот град Кармел-Бај-Д-Си во Калифорнија и победи. Негов најголем успех беше укинувањето на забраната за продажба на сладолед во градот по долго постоење на тој бизарен закон.

За време на неговата кариера, тој беше еден од најплатените глумци во Холивуд, а беше и подеднакво успешен и како режисер.

Најголемиот успех, сепак, му беше оној во 2004 година, кога доби четири од седум номинации за Оскар за филмот „Девојка од милион долари“. Тој во тоа време имаше 74 години и стана највозсрасната личност досега, која освоила Оскар за најдобра режија. Иствуд, инаку, беше пребирлив при изборот на улоги и одбиваше големи филмови, како оние за Супермен и Џејмс Бонд.

Неговиот последен филм е годинашниот „Нежниот Мачо“ (Cry Macho), од жанрот „нео-вестерн“, со приказна сместена во Тексас (САД), 1970-тите. Клинт Иствуд глуми, го режира и продуцира филмот, а прикажувањето е закажано за 17 септември оваа 2021 година.

Би можело да ве интересира

Добитникот на Еми ја продава куќата, поради штрајкот во Холивуд останал без пари за храна

Предраг Петровиќ

(ВИДЕО) Никол Кидман го „пецна“ Том Круз: „Сега можам да носам штикли“

Предраг Петровиќ

Позната актерка која умира, се разведува, а нејзиниот сопруг се грижи само за едно

Ана Ололовска

Позираше без фотошоп за насловна, а сите гледаат во нејзините пазуви

Ана Ололовска

Ѕвездата на филмот „Американска пита“ се најде на листата на 100 највлијателни во 2023 година

Предраг Петровиќ

Хали Бери позираше целосно гола на тераса: Општ колапс на мрежите поради оваа фотографија

Ана Ололовска