Кино салите во САД се отвораат од 15 јули

Од:

Наjголeмиот киносинџир во САД, „Еј-Ем-Си“, ќе отвори поголем дел од своите киносали на 15 јули, соопшпти самата компанија на својата интернет страница.

Како што пренесува „Блумберг“, 450 од кината во целата земја ќе почнат со работа, откако беа затворени во март поради корона-пандемијата. Останатите 200 киносали ќе почнат да работат наредните месеци.

„Со задоволство ви ја претставуваме можноста заедно да ја прославиме 100-годишнината на Еј-Ем-Си“, се вели во соопштението. Киносинџирот е основан 1920 година.

Во почетокот ќе се прикажуваат само стари филмови, а постепеното враќање на вообичаениот формат ќе се случи следните 10 дена. Првата премиера ќе биде „Мулан“ на режисерот Ники Каро, во продукција на „Волт Дизни“.

Ограничувањата заради спречување на ширењето на коронавирусот, ќе бидат присутни. Така, бројот на места ќе биде намален за 30 отсто, паузите меѓу проекциите ќе траат подолго, дезинфекција на просториите ќе се врши неколку пати на ден.

Бифеата во рамки на кината ќе го скусат менито, така што на љубителите на филмот ќе им останат само пуканките и безалкохолните пијалаци. Сите служители ќе треба да имаат лична маска и ракавици.

Би можело да ве интересира

Филмот „Dune: The Second Part“ заработи над 200 милиони долари за само три дена

Вечерва „Викенд на мртовци“ и „Кајмак“ на „Кино на отворено“ во Кисела Вода

Научниците алармираат поради новата варијанта на Ковид-19

Горан Наумовски

Прва тужба во Германија поради последиците од вакцината против корона на Фајзер

Ана Ололовска

Кинески научник: Можно е пандемијата да започнала со истекување на вирусот од лабораторија

Ана Ололовска

СЗО прогласи крај на пандемијата на коронавирус

Ана Ололовска