Јапонски научници оживеаја мозок од мртов глушец

Од:

Јапонски научници оживеаја мозок од мртов глушец и со помош на специјален сад го одржувале во живот 25 дена, објави „Сајенс алерт“.

Всушност, се работи за дел од мозокот на глувче, а времето во кое тоа ткиво било одржувано во живот, е значително подолго во однос на досегашните слични експерименти. Претходно, доктори од Јејл универзитетот успеаја да оживеат мозок од свиња која била мртва четири часа, а тој експеримент траел шест часа.

Успешноста на новиот експеримент се должи на нова мембрана и модифициран микрофлуиден уред користени во испитувањата, кои го хидрираат ткивото и не дозволуваат тоа да се исуши.

Проблемот е одржувањето рамнотежа. Овие ткива брзо се сушат, па затоа системот треба постојано да ја одржува влажноста и да ги снабдува со хранливи материи. Но, од друга страна, премногу влага ги спречува клетките да разменуваат гасови што му требаат на ткивото за да преживее.

– И, тоа е наредниот проблем што тимот ќе треба да го реши, изјави биохемичарот Нобутоши Ота од РИКЕН Центарот за биохемиски истражувања.

Би можело да ве интересира

Почина педијатарот Кавасаки, кој откри ретка детска болест

А1он

Сашко Јовев: Ова е круната на македонската медицина, имаме одлични тимови, продолжуваме да спасуваме животи

А1он

Мистеријата на коронавирусот: Децата се помалку подложни, а научниците не знаат зошто

Драган Поповски

Научниците генетски го сменија имунолошкиот систем на тројца пациенти заболени од рак

Ана Ололовска

Најскапиот лек на светот ќе се извлекува на томбола

Ана Ололовска

ВИДЕО: Научници го пресоздадоа гласот на древна мумија

Ана Ололовска