Истражување: Мачките ја намалуваат вознемиреноста кај деца со аутизам

Од:

Познато е дека домашните миленици придонесуваат за подобро расположение на нивните сопственици… Ново истражување на Истражувачкиот центар за интеракција меѓу луѓето и животните при Колеџот за ветеринарна медицина во Мисури (САД), посочува дека вдомувањето и одгледувањето мачки може да ја намали анксиозноста и да ја подобри емпатијата кај децата со нарушување од аутистичниот спектар на болести АСД.

Трудот објавен во американскиот „Журнал“ за педијатриска нега посочува дека децата со аутизам доживеале значително зголемување на социјалните вештини по спријателувањето со мачки. Тоа значи – опаѓање на проблематичното однесување, како што се агресивност, хиперактивност и невнимание, односно помала вознемиреност.

Д-р Гречен Карлајл, научник од Истражувачкиот центар, ги анализирала податоците на над 700 семејства кои поседувале мачка како домашно милениче. Таа открила дека, и покрај одговорноста за миленичето, и децата со аутизам и нивните родители пројавиле позитивни резултати и промени во однесувањето.

– Некои од најголемите предизвици со кои се соочуваат децата со аутизам вклучуваат вознемиреност и тешкотии во комуникацијата. А, миленичињата можат да помогнат во зголемувањето на социјалната интеракција и да ја намалат анксиозноста, па така – тие не се само корисни во обезбедувањето спокој и поддршка на децата со аутизам, туку и за нивните родители, објаснува д-р Карлајл.

Истражувачите се надеваат дека резултатите од ова истражување ќе поттикнат поголем број семејства да размислат за вдомување мачки.

Би можело да ве интересира

Неколку совети за природна заштита од комарците

Ана Ололовска

Научни истражувања: Аспартамот не е штетен по здравјето

Ана Ололовска

Совети за полесно справување со гневот и стресот

Ана Ололовска

На човекот дневно му требаат не повеќе од 20 минути сончање

Ана Ололовска

Со класична музика до поподнослива битка со неизлечивите болести

Ана Ололовска

Ф’стаците и бадемите може да ја намалат анксиозноста

Ана Ололовска