Истражување: Луѓето кои се опседнати со славните имаат пониски когнитивни способности

Од:

Следбеници во тн. култ кон познати личности, има и повеќе од доволно… Но, ново истражување во Унгарија покажува дека луѓето кои се опседнати со животот на богатите и славните, имаат пониски резултати на тестовите за умствени способности.

dobivaj vesti na viber

Според трудот објавен во списанието за психологија, „БМЦ“, истражувачите велат дека иако обожувањето на славните се чини дека е поврзано со послаб интелектуален капацитет, останува нејасно дали оваа „фасцинација“ со „општествените икони“ е причина или последица на намалените интелектуални капацитети. Испитувањата опфатиле 1.763 возрасни Унгарци во интернет-анкета со серија тестови дизајнирани за проценка на две гледишта на интелигенцијата.

Првиот тест имал за цел да го провери речникот на учесниците, а вториот бил бројчен тест. Учесниците, притоа, пополнувале прашалник за ставовите на славните – со цел да се дефинира „нивото на опсесија“ со славните.

Така, оние чијшто интерес за ѕвездите бил ограничен на разговори за животот на познатите личности со пријателите биле категоризирани како „забавно-социјални“ обожаватели. Следното ниво, дефинирано како „интензивно-лично“, го означува она компулсивно размислување за познатите.

Највисокото ниво на опсесија е означено како „гранично-патолошка“. Луѓето од таа категорија се склони да се согласуваат со изјавите како „ако имав среќа да запознаам омилена славна личност и тој / таа побара од мене да направам нешто незаконско како услуга, веројатно би го направил тоа“.

Истражувачите така откриле дека повисоките нивоа на опсесија со познати личности се поврзани со послаби резултати во двете испитни гледишта околу интелигенцијата.

Сепак, овие тестови не успеаја да покажат дали обожавањето на славните предизвикало пад на когнитивните способности, а тоа го отежнува откривањето зошто постои оваа врска.

Шпекулирајќи за природата на оваа врска, авторите на трудот тврдат дека опсесијата со познати личности може да влијае врз когнитивните способности поради интензивното ниво на сосредоточеност и внимание за одржување на оваа „еднострана емоционална врска“. Од друга страна, тие претпоставуваат и дека кај луѓето со повисоко ниво на интелигенција има помала веројатност да ги обожаваат познатите личности поради „нивната поголема способност да препознаат маркетиншки стратегии“ зад славната личност.

На крајот, тие заклучуваат дека се потребни повеќе истражувања за да се утврди – дали опседнатоста со познати личности е причина или последица на пониска интелигенција.

Би можело да ве интересира

Македонецот Зоран Петровски победи во бугарскиот „Survivor“

Ана Ололовска

(ВИДЕО) Скапо го платив кафето со Венко, ме избркаа од работа: Лиде Лиде за популарната средба со Филипче

Ана Ололовска

Совети за „брзо дневно зачистување“ дома

Ана Ололовска

Златните риби можат да насочуваат роботски возила кон копно

Ана Ололовска

Највозрасната жена на светот наполни 119 години

Ана Ололовска

Oсвоила над 200.000 евра во казино во Франција за Нова година

Ана Ололовска