Индија денеска лансираше ракета која што со себе носеше 31 сателит, неколку од нив за европските земји, пренесе Ројтерс и додаде дека Индија сака да се воспостави како сила која што нуди евтини услуги во вселената.
Ракетата Полар Сателајт Лаунч Виекл (PSLV) го носела 712 килограми тешкиот сателит Картосат-2 и 30 помали сателити.
Освен индиските сателити, ракетата носела и сателити за 14 други земји, вклучувајќи ги Австрија, Белгија, Летонија, Литванија и Словачка во рамките на меѓународниот аранжман со Индиската организација за вселенски истрашувања (ISRO).
Денешното лансирање е на 18 дена откако Индија во орбитата испрати три тони тежок сателит, достигнувајќи ги техничките можности на САД, Русија, Кина, Јапонија и Европската вселенска агенција.