Еден Индиец се освестил за време на подготовките за сопствениот погреб, пишува локалниот весник „Самајам“.
Инцидентот се случил во областа Читур. Мажот бил пронајден во несвест под дрво во едно од локалните села и останал во таа состојба два дена.
Жителите ги известиле надлежните органи, а медицинска екипа дошла и го прегледала човекот, по што лекарите го прогласиле за мртов.
Човекот требало да биде погребан надвор од селото, но за време на подготовките за церемонијата, на општо изненадување на луѓето околу него, се освестил и седнал. Тој бил пренесен во блиската болница, но сепак починал следниот ден.
Локалната полиција го истражува случајот.