„Гугл мапс“ ќе ги насочува возилата по еколошки правци

Од:

Апликацијата „Мапи“ на „Гугл“ како дел од борбата против климатските промени, ќе почне да ги насочува возачите по патиштата за кои се проценува дека најмалку предизвикуваат испуштање јаглерод врз основа на сообраќајот, падините и други фактори, соопшти компанијата.

– За околу половина од патиштата, ние сме во состојба да најдеме доволно еколошки податоци со минимално или никакво губење време, рече Расел Дикер – директор за производство.

Во соопштението се вели дека функцијата ќе биде покрената кон крајот на годинава во САД, а потоа и во други земји. Сѐ тоа како дел од посветеноста на компанијата да помогне во борбата против климатските промени, со своите услуги.

Натаму, „Гугл“ прави релативни проценки на емисиите со тестирање на различни типови возила и патишта, потпирајќи се на податоците од Националната лабораторија за обновлива енергија на САД (НЛОЕ). Податоците за патот доаѓаат од проектот „Стрит вју“, како и од воздушни и сателитски снимки.

Од јуни, „Гугл мапс“ ќе почне со инструкции за возачите низ зони со ниски емисии, каде што некои возила се забранети во Германија, Франција, Холандија, Шпанија и Велика Британија. Следните месеци, корисниците на „Мапс“ ќе можат да споредуваат автомобил, велосипед, јавен превоз и други начини на превоз на едно место, наместо само да избираат меѓу различни патишта.

Би можело да ве интересира

Гугл ќе ја брише историјата на локација на оние кои ги посетуваат клиниките за абортус

Ана Ололовска

Мексико го казни Гугл со речиси 240 милиони долари

Ана Ололовска

Гугл го блокираше каналот Дума ТВ на Јутјуб

Ана Ололовска

Германските медиуми незадоволни од понудата на Гугл за користење на содржините

Ана Ололовска

Рекламирањето многу ги зголеми приходите на Гугл кон крајот на 2021 година

Ана Ололовска

САД го тужат Гугл за следење без дозвола од корисниците

Ана Ололовска