Гугл договори плаќање на содржини од 300 медиуми во ЕУ

Од:

„Гугл“ соопшти дека постигнал договор со повеќе од 300 медиуми во шест земји од ЕУ за плаќање на нивната содржина, најавувајќи понуди за медиуми и во други земји-членки на ЕУ.

Издавачите се меѓу најжестоките критичари на Гугл и долго време ги повикуваат владите да го регулираат плаќањето на надомести за медиумска содржина објавена на дигитални платформи. Австралија минатата година го регулира плаќањето, а сличен закон стапи во сила и во Канада во април.

Директорката за медиуми на Гугл, Сулина Конал, вчера објави на блог дека се согласиле да плаќаат за содржината со околу 300 медиумски компании во ЕУ.

– Договорите што ги постигнавме досега опфаќаат повеќе од 300 национални, локални и специјализирани изданија на весници во Германија, Унгарија, Франција, Австрија, Холандија и Ирска, а се водат и многу дискусии, напиша таа.

Конал не наведе колку им се плаќа на медиумите, а деталите треба да бидат објавени во текот на денот.

ЕУ пред три години усвои директива за авторски права, со која се бара од онлајн платформите да плаќаат надомести на музичарите, изведувачите, авторите, издавачите на вести и новинарите за објавување на нивните содржини.

Извор: МИА

Би можело да ве интересира

Американското Министерство за правда го тужи Гугл поради монопол

Горан Наумовски

Австралиска Влада: Успешен e законот кој ги обврзува Мета и Гугл да им плаќаат на медиумите

А1он

Русите истражуваат како да си ги скршат рацете за да избегнат мобилизација

А1он

Гугл ја загуби жалбата против ЕУ, мора да плати казна од 4 милијарди евра

А1он

Гугл му даде отказ на инженерот кој тврдел дека една од програмите има свест

Горан Наумовски

Гугл повторно казнет во Русија