Плетените столчиња на кои седеа британскиот принц Хари и неговата сопруга Меган Маркл, како и водителката Опра Винфри, за време на неодамнешното контроверзно интервју, се произведени од фирма во сопственост на Кристофер Најт, актер кој глумеше во познатата серија „The Brady Bunch“, а сите залихи се распродадени во рок од два дена по интервјуто.
Столиците за двор, изработени од багремово дрво, „пламнале“ откако милиони луѓе ширум светот го гледале интервјуто.
„Во сензационалното интервју на Опра со принцот Хари и Меган, кој би помислил дека луѓето ќе ги забележат столиците, но луѓето очигледно ги забележале,“ напиша Најт на Фејсбук.
„Почестен сум што мебел од мојата колекција стана фокус на гледачите на најфасцинантното интервју во поновата историја,“ додаде тој.
Столиците чинат 554 долари, а со оглед на тоа што интервјуто привлече над 17 милиони гледачи во САД и 11 милиони во Велика Британија следниот ден, не е чудно што многумина побрзале да ги купат.