Лесно пролетно јадење, мешавина од свеж зеленчук и зачини…
Состојки:
1 пакување фетучини (вид тестенини)
1 чешне лук
4 меснати црвени пиперки
500 г шампињони
околу 200 г брокула (или околу 500 г млад спанаќ)
200 мл бело вино
малку од водата во која ги варевте тестенините
маслиново масло
мелен сув зачин, оригано, босилек, сол, црн бибер
пармезан
Подготовка:
– Фетучините сварете ги според упатството на пакувањето.
– Додека се варат тестенините во тава на рингла ставете малку маслиново масло и ставете го сечканото лукче. Пржете го многу кратко додека малку не замириса.
– Потоа додадете ја пиперката исецкана на стапчиња и динстајте ја додека да омекне. Пиперките извадете ги од тавата и оставете ги настрана.
– На истото масло во тавата ставете ги печурките, сецкани на листови. Динстајте ги 5-10 минути, а потоа извадете ги од тавата и ставете ги во садот кај пиперките.
– Потоа во тавата ставете ги парчињата брокула (или, пак, младиот спанаќ) и динстајте само неколку минути. И брокулата извадете ја од тавата и додадете во садот кај пиперките.
– Во тавата сипете малку од водата во која се вареа тестенините, 1 лажица путер, бело вино и мелен сув зачин, по вкус. Варете 2-3 минути додека да испари алкохолот.
– Сега во тавата префрлете ги варените тестенини, целиот зеленчук и печурките и убаво измешајте за фетучините да го впијат целиот сос. На крај зачинете по вкус.
– Сервирајте ги посипани со пармезан и уживајте.