Фестивалот „Skopje Calling“ поради актуелната состојба со коронавирусот е презакажан за 12 септември. „Авалон продукција“, кој е организатор на фестивалот, денеска соопшти дека локацијата не се менува, односно останува стадионот на АРМ.
– VINI VICI, MAHMUT ORHAN, KIRIL DJAIKOVSKI и CYRILLIC, како и нивните менаџменти го делат нашето мислење и артистите го потврдија своето доаѓање на 12-ти септември во Скопје. Иако состојбата на глобално ниво постојано се менува, сепак нашиот приоритет отсекогаш бил безбедноста на нашата публика, на артистите и на сите луѓе кои се инволвирани во реализација на фестивалот, велат од „Авалон продукција“.
На сите оние што досега имаат набавено билети за фестивалот, ќе им бидат важечки и за новиот датум.