Познатата актерка Мила Кунис го натерала својот сопруг, Ештон Кучер, да го врати купениот билет за патување во вселената, откако му објаснила дека тоа не е најдобрата семејна одлука, затоа што имаат мали деца.
Ѕвездата на серијата „Два и пол мажи“ признал дека на наговор на сопругата, одлучил да ја врати картата за летот на „Вирџин Галактик“, за која платил меѓу 200 и 250 илјади долари.
Првиот суборбитален лет на компанијата на милијардерот Роџард Бренсон, кој беше повеќепати одложуван, конечно беше изведен на 11 јули.
Досега повеќе од 600 луѓе резервирале билети за летовите на „Вирџин“, а компанијата наскоро повторно ќе почне да продава карти, но по повисоки цени.
„Требаше да бидам на следниот лет, ама сепак нема да бидам“, рече Кучер, кој додаде дека сепак не се откажува од својот сон да полета во вселената.
„Еден ден сигурно ќе појдам“, вели актерот.