Познатиот актер и музичар Џаред Лето преку Твитер го повика бугарскиот премиер, Бојко Борисов да го заштити Националниот парк Пирин.
– Бојко Борисов, Ве молам заштитете го Националниот парк Пирин од прекумерната сечка поради профит и од скијачката инфраструктура. Спасете го Пирин. Нашето наследство е под закана, веднаш преземете нешто, напиша тој.
Тој сподели и петиција до премиерот со која што се бара зачувување на Пирин од комерцијалното сечење и скијачката инфраструктура.
Порака за зачувување на старите шуми во Пирин испрати и фондацијата на Леонардо ди Каприо.