Конечно дојде времето кога животните не мора да бидат убивани и да бидат препарирани за од нивните делови од телото да биде креиран трофеј, кој ќе биде закачен на ѕид, што за поединци претставува успех, а за други неподнослив чин.
Сега е можно да ги поседувате најубавите примероци од природата и со нив декорот во домот да го направите разновиден и притоа да го разубавите целокупниот дизајн во вашиот ентериер.
Уметникот Кели Рене Јелинек од „ЛитлСтаг“ студиото, започна да изработува прекрасни имитации на делови од телата на животни од најразлични материјали и бои кои можат да се прилагодат според вашите желби и потреби.
Па неместо да биде убиено животно и потоа да биде препарирано за да служи за украс во вашиот дом, можете просторот да го надополните со уникатна имитација.