Кинезот Лиу Сјанпинг е се, само не обичен дедо. Наместо времето да го поминува со другарите со партијата шах или некоја друга социјална игра, тој вешто позира пред фото-објективите во женска облека и тоа го прави како да цел живот бил манекен, односно манекенка.
А се почнало како шега. „Дедо ми ми помагаше да ја распакувам гардеробата и само почна да облекува оддечни парчиња. Беше забавно па го сликав и сите ги ставив на интернет“, објасни внуката.
Меѓутоа, после само неколку дена дедо и станал вистинска сензација на социјалните мрежи, а внуката веднаш реагирала и дедо и го искористила за целата колекција, па така сега е заштитно лице на нејзиниот сајт, на кој, благодарејќи на дедо и, гардеробата со нејзиниот потпис „оди како алва“.
– Зошто некој како мене неможе да носи женска гардероба? Со позирањето за страницата и помагам на внуката и во тоа не гледам ништо лошо. Стар сум и единствено што ми е важно е да бидам среќен, а токму таков ме прави мојата внука, рече Лиу.