Огромните бранови ги препрлавија улиците со пена од морето во шпанскиот град Тоса де Мар.
Снежното невреме Глорија однесе најмалку осум животи, откако дождот и снегот почнаа да паѓаат во понеделникот. Повеќе од 200.000 луѓе останале без електрична енергија заради оваа бура. Ова се опишува како најтешкото невреме од 2003 година, а според „Индипендент“, ова е веројатно најтешкото невреме од минатиот век.
Според британскиот Телеграф, морската пена се создава со органска материја во процесот на распаѓање, како алги, и обично е безопасна за луѓето. Во зависност од алгите, меурчињата во внатрешноста на пената можат да ослободат одредени отрови што можат да ги иритираат очите и дишните патишта.