Бугати го претстави најскапиот модел во светот

Францускиот производител на луксузни автомобили, Бугати го претстави најскапиот модел во светот, кој е продаден за 9,7 милиони евра на таен купувач.

Посетителите на саемот за автомобили во Женева можеа да го видат црниот автомобил, а се верувадека го купил Фердинанд Пиех, внукот на основачот на Порше.

Претходниот рекорд изнесуваше осум милиони евра, колку што чинеше моделот на Ролс Ројс – Sweptail.

Овој модел на Бугати е произведен во чест на 110. роденден на компанијата и има 20 пати појак мотор од Форд Фиеста.

Пиех е извршен директор на „Фолксваген”, а оваа компанија сега е сопственик на „Бугати”. Познатиот производител најави дека купувачот е ентузијаст кој го сака Бугати.

Првиот човек на Бугати, Стефан Винкелман, рече дека црниот автомобил е вистинска комбинација на технологија, естетика и луксуз. Каросеријата на возилото е изработена од јаглеродни влакна, а 16-цилиндричниот мотор има 1,5 илјади коњски сили.

Би можело да ве интересира

Крај на Мекларен 600ЛТ

Бразил: Откриена фабрика за лажни „ферари“ и „ламборџини“

Ана Ололовска

Раст на продажбата на Ламборџини за 96 отсто

Ана Ололовска

ВИДЕО: Стар „бетмобил“ откриен во Украина

Ана Ололовска

Почина таткото на Форд мустангот, Ли Јакока

Ана Ололовска

Фолксваген и Фиат Крајслер се соочуваат со казни поради штетни гасови

Ана Ололовска