Британска веганска компанија нуди 50.000 фунти за тримесечен пост

Од:

Веганска компанија му нуди на „најголемиот месојадец во Велика Британија“ можност да заработи 50.000 фунти (околу 56.140 евра), доколку стане веган на три месеци.

Имено, „Вибрант веган“ неодамна објави дека бара „вегански љубопитен координатор“, т.е. – „тврдокорен месојадец“ кој е подготвен да живее без месо најмалку три месеци. Избраното лице ќе мора да потпише договор со кој ќе вети дека нема да консумира храна од животинско потекло и тие три месеци да ги охрабрува другите преку социјалните мрежи да пробаат веганизам.

Доколку се држи до договорот, тој или таа ќе заработи 50 илјади фунти.

Идејата е инспирирана од истражување спроведено на 15.000 месојадци, во кое 34 отсто од испитаниците признале дека се „љубопитни околу веганството“. Заинтересираните се пријавуваат на овој линк. Победникот на конкурсот ќе биде прогласен на 25 јануари, а предизвикот за него / неа, почнува на 1 февруари.

Доколку успее да го издржи тримесечниот пост, кандидатот ќе добие понуда да остане веган цела година. „Вибрант веган“ во тој случчај ќе му обезбеди вегански оброци во вредност од 100.000 фунти, под услов да води секојдневен дневник за своите оброци на социјалните мрежи.

Би можело да ве интересира

Франција повлече 7.000 прехранбени производи, содржеле премногу етилен оксид

Жарко Настоски

Кромидот и лукот не треба да се чуваат предолго во замрзнувач

Ана Ололовска

Амбалажата во сендвичарите содржи токсични материи, открија невладини организации

Жарко Настоски

АХВ пред Велигден ги засилува контролите на храната

Жарко Настоски

Како се отвора кокос?

Ана Ололовска

„Доминос“ во Тексас веќе испорачува пица преку робот

Ана Ололовска