На неодамнешните избори во Босна и Херцеговина, вниманието го привлече Емина Јахиќ, инфлуенсерка од Тузла со над 170.000 следачи на Инстаграм, која реши да се кандидира за градска советничка и да влезе во светот на политиката.
Кандидатката на партијата Демократски фронт, како што истакнуваше, сака да ја унапреди положбата на младите, но нејзината популарност на социјалните мрежи не се пренесе и на гласачките места – пребројувањето откри дека таа освоила само 88 гласа.
Се чини дека дел од причините за изборниот дебакл на 21-годишната инфлуенсерка лежат и во падот на рејтингот на нејзината партија, која на овие избори добила драстично помал број гласови од претходно.
Јахиќ засега не го коментира изборниот резултат и не открива дали ќе ја продолжи политичката кариера и покрај нејзиниот слаб почеток.