Група љубители на книгите и филмовите „Господарот на прстените“ сакаат да го изградат Толкиновиот измислен град Минас Тирит.
Тимот амбициозни архитекти и градежни инженери покрена кампања за собирање средства за изградба на овој град од бајките.
– Сакаме да поделиме љубовта кон Толкиновиот труд и да предизвикаме современа перцепција на архитектурата. Веруваме дека со изградбата на Минас Тирита можеме не само да создадеме единствена туристичка атракција, туку и да направиме убаво место за живот и работа, рече Џонатан Вилсон, лидерот на кампањата.
Групата планира да собере околу 2,9 милијарди долари за покривање на трошоците за купување на земјиштето, изградба на градот и одржување се до 2053 година.
Најголемите донатори (оние кои донираат повеќе од 150.000 долари) можат да бидат прогласени за лорд или дама од Минас Тирита и да добијат „ексклузивен пристап до сите делови на градот, вклучувајќи ги и приватните резиденции“.