Аpple ги информираа корисниците дека може да настане проблем со тастатурата на некои модели на MacBook и MacBook Pro. Во случајот станува збор за дефектен хардвер, а не за штети предизвикани од сопствениците на уредите. Компанијата, исто така, изрази уверување дека ќе ги замени бесплатно тастатурите на лаптопите кои се погодени од проблемот. Според официјалните податоци на Apple, бројот на уреди кои ќе бидат поправени во работилниците им е минимален, информира „Мирор“.
Некои сопственици на MacBook објавија во форумот информации дека понекогаш притискањето на копчињата не прави ништо, а во други случаи постојано се испишува ист симбол. Неисправни тастатури можат да се сретнат во голем број модели на лаптопи, кои се произведени во периодот меѓу 2015-та и 2017-та година. Ако сте забележале сличен проблем со својот МаcBook не треба да се грижите, бидејќи компанијата ветува дека бесплатно ќе ја замени оваа компонента во овластените сервисери.
Интернет-петиција беше објавена на Интернет, која беше потпишана од 31.000 луѓе, барајќи од Apple да реагира и да им помогне на засегнатите корисници. Според непотврдени информации, околу 8% од сопствениците на MacBook може да имаат слични проблеми. Компанијата веќе почна да им помага на корисниците што е можно побрзо да се справат и да почнат одново да работат со полна брзина со нивниот MacBook. Некои аналитичари веруваат дека нова верзија на лаптопи може да биде претставена на есен.