Актерката Анџелина Џоли (44) се разведе од сопругот Бред Пит (55) во септември 2016 година, и покрај тоа што поминаа три години од разводот, Џоли сè уште не сака да има пријателска врска со актерот.
Таа кон Бред чувствува горчина, бидејќи смета дека им ги превртел животите наопаку. Наводно Џоли на почетокот не сакала да се омажи за Бред, а по раводот одлучила дека веќе никогаш нема да се омажи.
Актерката снима филм во Шпанија и неодамна изјави дека би сакала да живее во странство, но не може да се пресели заради поранешниот сопруг.
– Разводот беше навистина комплициран. Кон крајот на мојата врска со Бред не можев да се препознаам, како да изгубив дел од себе … станав помала, безвредна, иако тоа не го покажав – рече актерката, додавајќи дека навистина била повредена.