Американски турист платил 591 евра за шест порции лигни во ресторан на Миконос

Од:

Турист од САД во ресторан на грчкиот остров Миконос платил 836,20 евра за три салати Цезар, шест порции лигни, шест големи локални пива, две води и еден сок од домати, а сметката ја објави на Трипадвајзор со коментар да се избегнува конкретниот ресторан, јави дописничката на МИА од Атина.

Според сметката, три Цезар салати чинат 59,40 евра, шест порции лигни 591 евро, шест големи локални пива 150 евра, две шишиња вода 17,80, а сок од домати 18 евра.

Американскиот турист во коментарот вели дека персоналот на ресторанот одбива да обезбеди мени и цени.

Објавената сметка и коментарот на американскиот турист е вест во грчките медиуми, кои ја коментираат „гостољубивоста“ на Миконос.

Според другите фотографии од сметки од конкретниот ресторан, што се наоѓа на една од плажите на Миконос, објавени на Трипадвајзор, двојно грчко кафе чини 10 евра, Спрајт, Кока Кола и другите безалкохолни пијалаци по 15 евра, леб 8 евра, големо пиво 25 евра, а 68 евра е чаша вино Просеко.

Би можело да ве интересира

Научници и иноватори предлагаат радикални начини за „повторно замрзнување“ на Арктикот

Ана Ололовска

Виена е најпријатниот град за живеење во светот

Ана Ололовска

Уметнички проект „Арт парк“ во Загреб

Ана Ололовска

ВИДЕО: Делфините им приредија спектакл на туристите кај Валона

Ана Ололовска

Забрана за Мекдоналдс крај историски објект во Рим

Ана Ололовска

Пилот барал пари од патниците за гориво

Ана Ололовска