Американска пензионерка на 78 години држи 19 рекорди – крева тегови од 180 килограми

Од:

Нора Лангдон е американска пензионерка која веќе 13 години крева тегови, па денес важи за атлетска ѕвезда во својата земја.

Но, тоа не било секогаш така. На 65-годишна возраст, кога се пензионирала, Нора имала тешкотии дури и при качување по скали. Но, тоа ја мотивирало да се врати во форма. Така, како што, пренесува „Ту отро дијарио“, денес бабичката е во состојба да крене 180 килограми, со што држи најмалку 19 светски рекорди.

– Никогаш не одев во вежбалници и не спортував додека не наполнив 65 години, признава таа во американската телевизиска програма „Добро утро Америка“. – Првиот ден кога стапнав во вежбалница, си отидов дома вечерта и си реков дека никогаш нема да се вратам затоа што ми беше премногу… Тогаш слушнав глас кој ми велеше да се вратам. Па, се вратив и еве ме денес!, раскажува таа.

Бабичката сега има и личен тренер и, со постепено зголемување на масата на теговите, се смести на врвот на ранг-листата на жени во нејзината возрасна група, со победи во 20 натпревари.

– Ги победив сите! Немам конкуренција!, гордо вели таа.

Нејзиниот тренер Арт Литл вели дека следна цел ѝ е да направи нешто досега невидено за нејзината возраст – кревање тежина од над 453 килограми.

– Тоа е изненадувачко, затоа што ќе помислите дека кога некој старее, станува послаб. Но, ова не е таков случај, затоа што таа (Нора) своето време го минува во вежбалница и работи напорно, додава Арт.

– Многу луѓе во поодмината возраст, само ќе останат дома, ќе седат и ќе гледаат телевизија откако ќе се повлечат… Но, вие сте родени за да продолжите, сѐ додека Бог не „ве прибере“. Вашето тело е создадено за вежбање и треба да го одржувате во движење за да останете здрави!, вели тој.

Би можело да ве интересира

Природата речиси секогаш надвладува над човековите творби

Ана Ололовска

Индиец наводно може да спие и 25 дена по ред

Ана Ололовска

Американка има две матки и може да забремени истовремено

Ана Ололовска

Истражување: Онлајн наставата е ефикасна исто колку и летниот распуст

Ана Ололовска

Британец ѝ понудил „претфудбалски договор“ на девојката

Ана Ололовска

ВИДЕО: Гратче во САД не сакајќи ја продаде својата водна кула на приватно лице

Ана Ололовска