Алиса Милано „на тапет“ поради шега со црнечко лице

Од:

Алиса Милано е последна во низата познати личности белци кои се ставени „на тапет“ поради тоа што во минатото ја употребиле или злоупотребиле шегата со црнечко лице.

Таа сепак ги отфрла обвинувањата на порталот „Лајфзет“, оценувајќи ги како „валкана кампања“.

„Вие, г**нари… На сликава јас ја пародизирам Снуки од серијата „Jersey Shore“. Тенот на Снуки (којашто е „срцка“, патем), е вреден за пародизирање исто колку и тенот на Трамп! Така што, е**те се и вие и вашата валкана кампања!“, напиша Милано на Твитер.

Инаку, глумицата од хит-серијата „Волшебнички“ (Charmed) важи за голема (и гласна) противничка на политиката на американскиот претседател Доналд Трамп.

Протестите против полициската бруталност и против расизмот во САД, што делумно се и против Трамп, меѓу другото, ја поттикнаа и таа серија прозивки на јавни личности кои во минатото се шегувале со „црнечкото лице“, но и го употребиле во своите ТВ и филмски проекти. Денес, тоа се смета за крајно навредливо за луѓето со потемен тен на кожата.

Така, комичарот Џими Кимел најави привремен прекин на своето шоу. А, на Џими Фелон му се закануваше и целосно затворање на неговото сатирично шоу, поради негов настап во 2000 година. Комичарите, меѓу кои и Тина Феј, се извинија за тие нивни потези од минатото.

Во тие јавни прозивки се најдоа и глумците Томас Хауел, Ден Ејкројд, Тед Дансон и други, а некои од настапите и сцените се од 1990-тите и 80-тите години.

Би можело да ве интересира

Рајан Рејнолдс уште еднаш за важноста на грижата за личното психичко здравје

Ана Ололовска

Анистон откри дека била „крадливката“ меѓу „Пријателите“

Ана Ололовска

Криси Тајген уште еднаш ѝ се извини на Кортни Стоден

Ана Ололовска

Бред Пит доби еднакви права со Анџелина Џоли за старателство над децата

Ана Ололовска

Стивен Сегал член на партијата „Праведна Русија – за вистината“

Ана Ололовска

Сeлма Хајек едвај се спаси од Ковид-19

Ана Ололовска