Актерот Акили Мекдауел (21) пред неколку дена беше уапсен поради вмешаност во убиството на Цезар Пералта на 20 јули. Актерот беше приведен и задржан во затворот во округот Харис.
Инцидентот се случил на паркингот на зградата, а полицајците го нашле Пералта како лежи. Се здобил со прострелни рани. 20-годишниот маж бил мртов кога пристигнале медицинските лица, а осомничениот побегнал.
Според The Hollywood Reporter, актерот на 2 август бил уапсен под сомнение за убиство, а само ден пред тоа бил приведен за кражба. Актерот доби кауција од 400.000 долари и се појави на суд.
На јавноста и е познат по улогата во серијата „David Makes Man“.