Деведесет и три годишна жена застанала на прозорот од својот дом во Пенсилванија, барајќи некој да ѝ купи уште пиво за време на изолацијата, пишуваат американските медиуми.
Олив Веронеси држи лименка со пиво во раката, и бела табла на која пишува „Ми треба уште пиво“, упатувајќи ја пораката до нејзините соседи и до нејзината ќерка.
Фотографијата беше објавена на Фејсбук и за кратко време беше споделена над 46 илјади пати.
На фотографијата има речиси 3 илјади коментари, а во голем дел луѓе од целиот свет се нудат да ѝ купат пиво на старата жена, на што таа одговара: „Убаво е доколку можете да направите такво нешто за една млада дама“.