Тестовите за коронавирус  во „Жан Митрев“ се плаќаат, Филипче ќе предложи Фондот да ги покрива

Од:

Пациентите кои тестирање за коронавирус закажуваат на Клиниката „Жан Митрев“ тестот го плаќаат, рече денес министерот за здравство Венко Филипче одговарајќи на новинарско прашање. На почетокот на минатата недела тој извести дека ги обединиле капацитетите за тестирање со Клиниката „Жан Митрев“ поради зголемената потреба за тестирање.

„Тестовите се уште се плаќаат. Денес ќе заврши анализата, проверката, состаноците со сите лаборатории кои покажаа интерес и кои кажаа дека ги исполнуваат условите. Кога ќе заврши увидот од нашата лабораторија, ќе се достави соодветен предлог до Фондот, со цел да се зголеми капацитетот на тестирање“, рече министерот Филипче.

Тестирањата сега се вршат во лабораторијата на Институтот за јавно здравје, а министерот минатата недела извести дека и лабораторијата на Ветеринарниот институт ги исполнувала условите и имала соодветна опрема за тестирањата за коронавирус.

Пред одлуката да се обединат лабораториите, пациентите кај кои во „Жан Митрев“ беше потврден коронавирусот, задолжително се тестираа и во лабораторијата на Институтот за јавно здравје

Покрај Клиниката „Жан Митрев“ за тестирањата министерот вели дека добиле понуди од уште неколку приватници и најави дека Фондот ќе склучи договори со сите кои ги исполнуваат условите.

За тестирањето за коронавирус во „Жан Митрев“ тестираните пациенти велат дека платиле по 1500 денари.

Министерот Филипче најави дека Фондот за здравство ќе склучи договори и со болници кои имаат легла за интензивна нега, а ќе се користат само во случај ако државните капацитети се пополнат.

Би можело да ве интересира

Грип, ковид и инфекции на дишните патишта ги полнат амбулантите и болниците

Ковид-19 од денес е обична заразна болест, укинати и последните мерки за носење маски

Орце Костов

Пендаровски го потпиша Указот за новиот Закон за амнестија за прекршоците во ковид кризата

Катерина Ѓуровски

Три години откако СЗО прогласи пандемија од Ковид-19, вирусот се уште присутен, но со намален интензитет

Ана Ололовска

Најзаразниот сој досега, „кракен“, не е откриен кај нас, но последната анализа е направена на 5 декември

Осум починати, 196 нови случаи на Ковид-19 минатата недела

Ана Ололовска