Законот за државна гарантна шема поставен за јавна дискусија на ЕНЕР

Од:

Предлог Законот за изменување и дополнување на Законот за Македонска банка за поддршка на развојот со кој се овозможува реализирање на мерката Државен гарантен фонд е поставен на Единствениот национален електронски регистар на прописи (ЕНЕР) за јавна консултација, информираат од Министерството за финансии.

dobivaj vesti na viber

Со предлог-законот се уредува начинот на кој ќе функционира кредитната-гарантна шема, која има за цел да го олесни пристапот до кредити за микро, мали и средни претпријатија.

-Со предлог-законот се предвидува 10 милиони евра од буџетот да се вложат во Гарантниот фонд, како неповратни средства кои ќе се користат како гаранции кај комeрцијалните банки за земање кредити. Носењето на овој закон и спроведувањето на оваа мерка е од големо значење за микро, малите и средни претпријатија, бидејќи значително им се олеснува пристапот до капитал и им се дава поддршка во време кога поради кризата е намалена ликвидноста во стопанството, посочува министерот за финансии Фатмир Бесими.

Развојната банка и банките и штедилниците ќе склучат договор за издавањето на гаранциите, а крајни корисници ќе бидат микро, мали и средни трговци, како и големи извозно-ориентирани трговци. За кредитите за обртни средства ќе се гарантира до 80 отсто од износот на кредитот, а за кредитите за основни средства до 50 отсто од износот на кредитот.

-Гарантната шема може да мобилизира ограничена кредитна активност на Гарантниот фонд. Агрегатниот износ на одобрени кредити со гаранција од Гарантниот фонд може да биде најмногу во висина на десеткратниот износ на средствата на Гарантниот фонд. Дополнително, ограничена е и изложеноста на Гарантниот фонд кон одделна банка и штедилница во висина до 25 отсто за банка и 10 отсто за штедилница од износот на средствата на Гарантниот фонд. Со ова решение се влијае на постигнување на една од целите на законот – олеснет пристап до кредити за што е можно поголем број микро, мали и средни претпријатија, посочуваат од Министерството за финансии.

Во функција на транспарентност и контрола на законитоста во работењето на Гарантниот фонд, додаваат, Развојната банка ќе објавува број и износ на одобрени кредити, износ на одобрени гаранции и лимит на гаранции по банки и штедилници на квартална основа, а Министерството за финансии ќе објавува полугодишен извештај за фискалните ризици на Гарантниот фонд, гарантната изложеност и започнатите постапки за активирање на гаранциите.

Би можело да ве интересира

Бесими: Со околу 190 милиони евра од ЕБОР ќе се финансираат Скопје-Блаце, ФЕ Осломеј 2 и ФЕ Битола

Ана Ололовска

МФ: Граѓаните од денеска ќе можат да аплицираат за субвенциониран кредит од проектот „Купи куќа, купи стан“

Ана Ололовска

Бесими – Улман: Швајцарија, еден од најголемите развојни партнери на РС Македонија, се зајакнува економската соработка

Ана Ололовска

Средба на министерот Бесими со првиот човек на ММФ Кристалина Георгиева: ПЛЛ се доделува на земјите со добри економски политики

Ана Ололовска

Министерот Бесими на средби во Светска банка: Oдговор на влијанието од енергетската и ценовната криза, но и фокус кон натамошен долгорочен развој

Ана Ололовска

МФ: Се отвора финансискиот пазар за нови даватели на услуги, нови услуги, пониски трошоци и заштита на потрошувачите

Ана Ололовска